‘प्रधानन्यायाधीशको परिवारप्रति पूर्वाग्रह राखेर अनुशन्धान भएको भन्दै खेद व्यक्त’

काठमाडौं, १५ पुष । युवा अधिवक्ता सुलभ खरेलले प्रधानन्यायाधीश चालेन्द्रशमशेर जबरामाथि भैरहेका आक्रमण न्यायिक आचरण तथा पद्धतीविरुद्ध रहेको बताएका छन् । प्लेटो एकेडेमी अफ ल का निर्देशकसमेत रहेको अधिवक्ता खरेलले सामाजिक सञ्जालमार्फत यो विषय उठाएका हुन् ।

उनले प्रधानन्यायाधीश पदमा रहँदै प्रधानमन्त्री मातहत रहने सम्पत्ति शुद्धिकरण विभागले न्याय परिषद्को स्विकृती नै नलिई निज वा निजका परिवारप्रति पूर्वाग्रह राखी गरिने अनुशन्धान खेदजनक र कानूनको उचित प्रक्रियाको बर्खिलाफ रहेको उल्लेख गरेका छन् । उनले प्रधानमन्त्री मातहतका कार्यालयले यसो गर्न थालेपछि न्यायाधीशको स्वतन्त्रता र स्वतन्त्र न्यायापालिकाको के हुन्छ ? भनेर पनि प्रश्न उठाएका छन् ।

उनले लेखेका छन्-

“पछिल्ला दिनहरुमा प्रधानन्यायाधीश उपर भएका आक्रमणहरु न्यायीक आचरण तथा पद्धतिका विरुद्ध छ्न ! प्रधानन्यायाधीश पदमा रहदै प्रधानमन्त्री मातहत रहने सम्पत्ति शुद्धिकरण विभागले न्याय परिषदको स्वकृती नलिई निज वा निजका परिवार प्रती पुर्वाग्रह राखी गरिने अनुसन्धान खेदजनक र कानुनको उचित प्रक्रियाको वर्खिलाफ रहेको छ ! प्रधानमन्त्री मातहतका कार्यालयले यसो गर्न थाले पछि न्यायाधीशको स्वतन्त्रता र स्वतन्त्र न्यायपालिकाको के हुन्छ ! महाअभियोग दर्ता पनि नगर्ने, न्याय परिषदको स्वकृती वेगर सम्पत्ति अनुसन्धान गर्ने कार्य निन्दनीय कार्य हुन! स्वतन्त्र न्यायपालिकाको गरिमा प्रधानन्यायाधीश चोलेन्द्र ज.व.रा लाई वेइज्ज्त (humiliate) गरेर मात्रै प्राप्त हुँदैन !”