काठमाडौं, १६ पुस । सहिद स्मारक ‘ए’ डिभिजन लिग फुटबलमा आज (शुक्रबार) बाट सातौं चरणका खेलहरु सुरु भएका छन् ।
लिगको सातौं चरण अन्तर्गतको पहिलो खेलमा आज एपीएफ क्लब र त्रिभुवन आर्मी क्लब बराबरीमा रोकिएका छन् ।
पहिलो हाफ गोल रहित बराबरीमा रोकिएको यस खेल १–१ को बराबरीमा रोकिएको हो ।
खेलको ६२औं मिनेटमा जर्ज प्रीन्स कार्किले गोल गर्दै आर्मीलाई अग्रता दिलाए ।
तर, त्यसको ४ मिनेट पछि एपीएफका विक्की तामाङले बराबरी गोल गर्दै टोलीलाई हारबाट जोगाए ।
आर्मी ७ खेलमा ११ अंक जोड्दै चौंथो स्थानमा यथावत रहेको छ । यस्तै, ७ खेलमा ६ अंक जोडेको एपीएफ ११औं स्थानमा छ ।
यस्तै, दोस्रो खेलमा फ्रेन्ड्स क्लब र न्युरोड टिम एनआरटीबीच खेल हुनेछ । फ्रेन्ड्स र एनआरटीबीचको खेल ४ः४५ बजे सुरु हुनेछ ।
३ अंक जोडेको फ्रेन्ड्स तालिकाको पुछारमा रहेको छ । एनआरटी ६ खेलमा ७ अंक जोडेर आठौं स्थानमा रहेको छ ।
