काठमाडौँ, १८ पुस। जाजरकोट भेरी नगरपालिकाका निमित्त प्रमुख प्रशासकीय अधिकृत दलबहादुर घर्तीसहित १४ जना जुवाको खालबाट पक्राउ परेका छन् । उनीहरू जाजरकोट सदरमुकामनजिकै गैरीखालीबाट पक्राउ गरिएको कर्णाली प्रदेश प्रहरी कार्यालयले जनाएको हो ।
जिल्ला प्रहरी कार्यालय जाजरकोटले उनीहरुलाई शनिबार राति २ बजे पक्राउ गरेको थियो । पक्राउ पर्नेहरुमा अधिकृत घर्तीसहित नेपाली कांग्रेस भेरी नगरपालिकाका सभापति शशी बुढा पनि रहेका छन् । सभापति बुढा वडाध्यक्ष समेत हुन् । उनीहरूको साथबाट २ लाख नगद समेत बरामद गरिएको प्रहरीले जनाएको छ ।-File Photo
