काठमाडौं, २१ पुस । आज नेपालमा कोरोना भाइरसका ४ सय ३५ जना संक्रमित थपिएका छन् । ६ हजार ७ सय १५ जनाको परीक्षणमा आज उक्त संक्रमित फेला परेको स्वास्थ्य तथा जनसंख्या मन्त्रालयले जनाएको छ ।
यसैगरी, आज २ सय ३९ जना संक्रमणमुक्त भएका छन् । मन्त्रालयको अनुसार पछिल्लो २४ घन्टामा पिसीआर विधिबाट ३७० र एन्टिजेन विधिबाट ६५ जनामा संक्रमण पुष्टि भएको हो । हालसम्म ५२ सय २५ जना संक्रमितको देशभर उपचार भैरहेको मन्त्रालयले जनाएको छ ।
