काठमाडौं, २३ पुस । सहिद स्मारक ‘ए’ डिभिजन लिग फुटबल अन्तर्गत आठौं चरणका खेलहरु आज (शुक्रबार) बाट सुरु हुँदैछ।
त्रिपुरेश्वरस्थित दशरथ रंगशालामा आज दुई खेल हुनेछन् ।
पहिलो खेलमा संकटा क्लब र सातदोबाटो युथ क्लब भिड्नेछन् भने दोस्रो खेलमा एपीएफ क्लब र जावलाखेल युथ क्लब बिच प्रतिष्पर्धा हुनेछ ।
संकटा ७ खेलमा १३ अंक जोड्दै तेस्रो स्थानमा रहेको छ ।
यस्तै, सातदोबाटो ८ अंकका साथ आठौं स्थानमा रहेको छ ।
संकटा र सातदोबाटोबीचको खेल दिउँसो १ बजे सुरु हुनेछ ।
यस्तै, दशौँ स्थानमा रहेको एपीएफ र नवौं स्थानमा रहेको जावलाखेल बिचको खेल ४ः४५ बजे सुरु हुनेछ ।
