काठमाडौं, २४ पुस । सहिद स्मारक ‘ए’ डिभिजन लिग फुटबलमा मछिन्द्र फुटबल क्लबले जित निकालेको छ ।
दशरथ रंगशालामा आज भएको पहिलो खेलमा मछिन्द्रले फ्रेन्ड्स क्लबलाई १–० गोल अन्तरले पराजित गरेको हो ।
पहिलो हाफ गोल रहित बराबरीमा सकिएको खेलमा दोस्रो हाफमा भने फ्रेन्ड्सका लागी दुर्भाय बन्न पुग्यो ।
खेलको ६६औं मिनेटमा रोनेल पलले आत्मघाति गोल गरेका थिए । जुन गोल मछिन्द्रका लागि विजयी गोल बन्न पुग्यो ।
यस जितसँगै मछिन्द्रले शीर्ष स्थानमा यथावत रहदै चार अंकको अग्रता बनाएको छ ।
फ्रेन्ड्स ३ अंकका साथ पुछारमै यथावत रहेको छ ।
