एजेन्सी, २६ पुस । कोरोनाको ओमिक्रोन भेरियन्ट धेरै देशमा तिब्र गतिमा फैलिरहेको छ । अहिले बालबालिका पनि कोरोनाको सिकार भइरहेका छन् । महामारीको जोखिमलाई मध्यनजर गर्दै सरकारले १२ देखि १८ वर्ष उमेर समूहका किशोरकिशोरीलाई खोप दिन सुरु गरेको छ ।
बालबालिकामा कोविड–१९ संक्रमणका लक्षणहरू के के हुन्छन् जानौं।
यी लक्षण देख्दा सचेत हुनुहोस्
बालबालिका तथा किशोरकिशोरीमा उच्च ज्वरो र काँप्ने लक्षण देखिएको चिकित्सकको भनाई छ । कोरोना संक्रमित बालबालिका तथा किशोरकिशोरीको उपचारमा संलग्न डाक्टरको अनुसार दुई वर्ष मुनिका कोरोना संक्रमित शिशुमा पनि उच्च ज्वरो आउने र काँप्ने समस्या देखिएको छ । कतिपय बालबालिकालाई अस्पताल पनि भर्ना गर्नुपर्ने उनीहरुको भनाई छ ।
दुई वर्ष मुनिका बालबालिका बढी जोखिममा छन्
चिकित्सकको अनुसार कोरोना संक्रमित बालबालिकालाई भेन्टिलेसन सपोर्ट चाहिएको छ । उच्च ज्वरोका कारण बच्चाहरूलाई अस्पताल भर्ना गर्नुपर्छ। वयस्कहरूमा संक्रमणको गम्भीरता डेल्टा भेरियन्टको भन्दा कम हुन्छ जबकि शिशुहरूको लागि पनि यो भन्न नसकिने उनीहरुको भनाई छ ।
बच्चाहरूको लागि डेल्टा जस्तै जोखिम
दुई वर्ष मुनिका बच्चाहरु एक उच्च जोखिम समूह हो। तिनीहरूमा संक्रमणको गम्भीरता डेल्टा भेरियन्टको जस्तै हुन्छ। ११ देखि १८ वर्षका बालबालिकामा सङ्क्रमण बढी हुनसक्ने भएता पनि डेल्टामा जत्तिकै गम्भीर छैन । डाक्टरहरुको अनुसनधानले कोरोना भाइरसले मुख्यतया बिरामीको माथिल्लो श्वासप्रश्वास मार्गलाई असर गर्ने पत्ता लगाएका छन् ।
खोप लगाइएका मानिसहरू कम जोखिममा छन्
कोभिडले ज्वरो आउने, चिसो लाग्ने, टाउको दुख्ने, नाक बग्ने, काँप्ने जस्ता लक्षण देखिएको छ । दोस्रो लहरको समयमा देखा परेका लक्षणहरूको तुलना गर्दै डाक्टरहरुले ओमिक्रोनका बिरामीहरूमा स्वाद र गन्ध गुमाउनु सामान्य नरहेको बताएका छन् । यसपटक १० जनामध्ये दुईदेखि तीन प्रतिशत मात्रै बिरामीले स्वाद र गन्ध नमिलेको गुनासो गरिरहेका छन् । स्वास्थ्य विज्ञको अनुसार ओमिक्रोन खोप लगाएका र स्वस्थ व्यक्तिहरूमा कम असर देखिएको छ ।
