जाजरकोट, २ पुस । कस्तुरीको बिना सहित एकजना पक्राउ परेका छन् । नलगाड नगरपालिका–११ चौखा बजारबाट १ थान कस्तुरीको बिना जस्तो देखिने बस्तु सहित सोही नगरपालिका–१० ध्यारगाउँ बस्ने ४५ वर्षीय दिल्ली बहादुर ध्यारलाई शनिबार दिउँसो प्रहरीले पक्राउ गरेको हो ।
ध्यारले कस्तुरीको बिना साथमा लिई हिँडिरहेको खबर प्राप्त हुनासाथ ईलाका प्रहरी कार्यालय रग्दाबाट खटिएको प्रहरीले उनलाई उक्त बस्तु सहित फेला पारी पक्राउ गरेको जनाएको छ । यस सम्बन्धमा प्रहरीले थप अनुसन्धान गरिरहेको बताएको छ ।
