काठमाडौं, ३ माघ । चन्द्रागिरि नगरपालिका बलम्बु स्थित् पिंगलमा एक युवकको हत्या भएको छ । आइतबार चन्द्रागिरि नगरपालिका–१२ स्थित बलम्बुमा बस्ने २६ वर्षीय रोशन रिजालको मृत्यु भएको प्रहरीले जनाएको छ ।
हत्यामा संलग्न दुई जना दाजुभाई मकवानपुरका अनुज बस्नेत र उनका दाजु २१ वर्षीय अभिषेक बस्नेतलाई पक्राउ गरि आवश्यक अनुसन्धान गरिरहेको जनाएको छ । मृतक र आरोपी साथी भएको खुलेको छ ।
आरोपीहरूले कैँची र दाउले हिर्काउँदा गम्भीर घाइते भएका रोशन रिजालको एपीएफ अस्पतालमा मृत्यु भएको थियो । उनीहरुको आक्रमणबाट अर्का एकजना घाइते भएका छन् ।
