बारा, ११ माघ । बारामा रथले च्यापिएर दुईजनाको मृत्यु भएको छ । जन्ती जान लागेको रथले च्यापिएर सोमबार आदर्श कोतवाल गाउँपालिका–३ मा दुईजनाको मृत्यु भएको प्रहरीले जनाएको छ ।
मृत्यु हुनेमा स्थानीय निलम कुमारी राम र विवाहमा पाहुना आएकी बालकुमारी राम रहेका छन् । यसैगरी, रथमा च्यापिएर अन्य १४ जना घाइते भएका छन् ।
रथ बतरा निवासी श्रीराम महरा चमारको बिहेमा जन्ति लिएर जान तयारी अवस्थामा थियो । रथको स्टेरिङ फेल भइ जन्ती जान लागेका व्यक्तिहरुमाथि रथ पल्टिदा च्यापिएर दुवैजनाको घटनास्थलमा मुत्यु भएको प्रहरीले जनाएको छ ।
