नेप्सेमा आज स्वरोजगार लघुवित्तको बोनस सूचिकृत

काठमाडौं, ११ माघ । नेपाल स्टक एक्सचेञ्ज (नेप्से)ले आज एक कम्पनीको बोनस सेयर सूचिकृत गरेको छ । नेप्सेले मंगलबार स्वरोजगार लघुवित्त वित्तीय संस्था लिमिटेडको २५ प्रतिशत बोनस बापतको १० लाख २८ हजार एक सय ९८ दशमलव २४ कित्ता सेयर सूचिकृत गरेको हो ।

संस्थाले आर्थिक वर्ष २०७७/७८ को मुनाफाबाट चुक्ता पुँजीको २५ प्रतिशत बोनस सेयर वितरण गर्ने प्रस्ताव गरेको थियो ।