काठमाडौँ, १६ माघ । कोरोना संक्रमणबाट आज थप ३२ जनाको मृत्यु भएको छ । योसँगै कोरोना संक्रमणबाट नेपालमा मृत्यु हुनेको संख्या ११ हजार ७ सय ३५ पुगेको स्वास्थ्य तथा जनसंख्या मन्त्रालयले जनाएको छ ।
आज नेपालमा कोरोनाका ३ हजार ५ सय ४० जना संक्रमित थपिएका छन् । योसंगै कुल संक्रमितको संख्या ९ लाख ५० हजार ९ सय ३२ पुगेको मन्त्रालयले जनाएको छ ।
त्यस्तै, आज ६ हजार ३ सय ५९ जना संक्रमणमुक्त भएका छन् । हालसम्म आठ लाख ५४ हजार ७०७ जना संक्रमणमुक्त भएका छन् । मन्त्रालयको अनुसार पछिल्लो २४ घन्टामा १३ हजार १ सय ४५ जनामा परिक्षण गर्दा उक्त संक्रमण पुष्टि भएको हो ।-File Photo
नोट– माध १३ गते देखि आज सम्म प्राप्त तथ्यांकका अनुसार ४ दिनमा ३२ जनाको कोरोना संक्रमणबाट मृत्यु भएको स्वास्थ्य मन्त्रालयकी प्रवक्त डा. संगिता मिश्रले नियमित प्रेस बिफ्रिङमार्फत जानकारी दिएकी हुन् । उनका अनुसार विभिन्न अस्पतालबाट तथ्यांक दिलो प्राप्त भएको कारण आज मृत्युको संख्या बढेको हो ।
