चितवन, १८ माघ । नवलपुरमा अटो चलाएर जीविका चलाउँदै आएका एक पुरुषको शव फेला परेको छ । कावासोती नगरपालिका वडा नं. १३ गैरी घर भएका ५२ वर्षीय माधवप्रसाद गिरी घर नजिकैको घोलमा मृत फेला परेको प्रहरीले जनाएको छ ।
गिरी आफैले चलाउँदै आएको अटो रोकिएको अवस्थामा र उनको शव नजिकै घोलको हिलोमा गाडिएर कर्कलाको पातले छोपिएको अवस्थामा भेटिएको स्थानियहरुले बताएका छन् ।
उनी गएराति अपरिचित व्यक्ति आएर अटोमा पुर्याइदिन भनेपछि बाहिर निस्किएका गिरीको हत्या भएको हुन सक्ने अनुमान गरिएको छ । शवलाई अहिले खाल्डोबाट बाहिर निकालिएको र घटनाको अनुसन्धान भैरहेको प्रहरीले जनाएको छ ।
