काठमाडौँ, १८ माघ । कोरोना संक्रमणबाट आज थप ९ जनाको मृत्यु भएको छ । योसँगै कोरोना संक्रमणबाट नेपालमा मृत्यु हुनेको संख्या ११ हजार ७ सय ५२ पुगेको स्वास्थ्य तथा जनसंख्या मन्त्रालयले जनाएको छ ।
त्यस्तै, आज नेपालमा कोरोनाका ३ हजार ५ सय ४० जना संक्रमित थपिएका छन् । योसंगै कुल संक्रमितको संख्या ९ लाख ५७ हजार ५ सय ७० पुगेको मन्त्रालयले जनाएको छ ।
त्यस्तै, आज ८ हजार २ सय ६७ जना संक्रमणमुक्त भएका छन् । हालसम्म आठ लाख ७१ हजार १६५ जना संक्रमणमुक्त भएका छन् । मन्त्रालयको अनुसार पछिल्लो २४ घन्टामा १७ हजार ६ सय ७४ जनामा परिक्षण गर्दा उक्त संक्रमण पुष्टि भएको हो ।-File Photo
