काठमाडौं, २६ माघ । देशभर आज २४ सय १ जना कोरोनाको नयाँ संक्रमित थपिएका छन् । काठमाडौं उपत्यकामा मात्रै १ हजार १७ जना थपिएको स्वास्थ्य तथा जनसंख्या मन्त्रालयले जनाएको छ ।
ती मध्ये काठमाडौंमा ८९०, ललितपुरमा १०२ र भक्तपुरमा २५ जनामा कोरोना संक्रमण पुष्टि भएको हो। पछिल्लो २४ घण्टामा नेपालमा कोरोना भाइरसको संक्रमणबाट १४ जनाको निधन भएको छ । यसैगरी, आज ७ हजार ७ सय ७७ जना संक्रमणमुक्त भएका छन् ।
१६ हजार ३ सय ५६ जनामा गरिएको परीक्षणमा उक्त संक्रमण पुष्टि भएको हो । ३० हजार २ सय ४१ जना देशभर संक्रिय संक्रमितको संख्या रहेको छ ।
