काठमाडौं, १० फागुन । धरानको जंगलमा विभत्स हत्या गरेर फालिएको अवस्थामा फेला परेका दिनेश सिग्देलको हत्याको आशंकामा ३ जना पक्राउ परेका छन् । विदेशबाट आएका सिग्देलको हत्या गरेको आशंकामा ३ जनालाई पक्राउ गरी अनुसन्धान थालिएको प्रहरीले जनाएको छ ।
शंकास्पद व्यक्तिहरुलाई नियन्त्रणमा लिएर अहिले अनुसन्धानको प्रारम्भिक सोधपुछ गर्न लागेको प्रहरीले जनाएको छ । जंगलमा भेटिएको शव झापाको दमक नगरपालिका–५ का सिग्देलको भएको प्रहरीले आज मात्रै पत्ता लागेको हो ।
सिग्देल बहराइनबाट २० पुसमा नेपाल फर्किएको प्रहरीले जनाएको छ । प्रहरीको अनुसार विदेशबाट आएर उनी सिधै कान्छी श्रीमती बस्ने स्थान सिधै विराटनगर गएका हुन् । पारिवारिक कारण सिग्देलको हत्या भएको हुनसक्ने प्रहरीले आशंका गरेको छ ।
