टी–२० वरीयतामा नेपालको स्थान सुधार

काठमाडौं, १४ फागुन । अन्तर्राष्ट्रिय क्रिकेट परिषद् (आईसीसी) को टी–ट्वान्टी वरीयतामा नेपालले दुई स्थान सुधार गरेको छ ।

आईसीसीले सार्बजनिक गरेको नयाँ वरीयता अनुसार नेपालले १३औं स्थानमा उक्लिएको हो ।

यस अघि नेपाल १५औं स्थान झरेको थियो ।

नेपालले ओमानमा सपन्न आईसीसी पुरुष टी–ट्वान्टी विश्वकप ग्लोबल छनोट खेलेको थियो ।

छनोटमा तेस्रो भएको नेपालले ५ खेलमा ४ खेल जितेको थियो ।