एजेन्सी, २५ फागुन । युक्रेनका राष्ट्रपति भोलोडिमिर जेलेन्स्कीले युक्रेन अब नेटोको सदस्य नहुने बताएका छन् । उनी दुई अलग–अलग रुसी समर्थक क्षेत्रहरू (डोनेट्स्क र लुहान्स्क) को स्थिति ’सम्झौता’ गर्न तयार छन् ।
जसलाई राष्ट्रपति भ्लादिमिर पुटिनले फेब्रुअरी २४ मा आक्रमण सुरु हुनु अघि स्वतन्त्र घोषणा गरे र मान्यता पनि दिइएको थियो । यी नै रुस र युक्रेनबीचको युद्धको मूल कारण मानिन्छन् । रुसलाई शान्त पार्ने उद्देश्यले उनले यो निर्णय लिएका हुन् ।
रिपोर्टका अनुसार जेलेन्स्कीले नाटो युक्रेनलाई स्वीकार गर्न तयार नभएको बताएका छन् । गठबन्धन विवादास्पद चीजहरू र रूससँगको टकरावबाट डराउँछ। नाटो सदस्यताको सन्दर्भमा, जेलेन्स्कीले भने कि आफु घुँडा टेकेर केहि माग्ने देशको राष्ट्रपति बन्न नचाहँने बताएका छन् ।
रुसले नाटोलाई खतरा मानेको छ
रुसले छिमेकी युक्रेन नाटोमा सामेल नहोस् भन्ने चाहना राखेको छ । रसियाले नाटो विस्तारलाई खतराको रूपमा हेर्छ, किनकि यसले यी नयाँ पश्चिमी सहयोगीहरूको सेनालाई आफ्नो ढोकामा चाहँदैन।
