काठमाडौं, १४ चैत । नेपाली कांग्रेस केन्द्रीय कार्यसमितिको बैठक सकिएको छ ।
पार्टी केन्द्रीय कार्यालय सानेपामा तीन दिनसम्म चलेको बैठक सोमबार सकिएको हो ।
बैठक सकिए पनि निर्णय भने मंगलबार मात्र सार्वजनिक गरिने प्रवक्ता डा. प्रकाशसरण महतले जानकारी दिए ।
सोमबारको बैठकमा प्रधानमन्त्री तथा पार्टी सभापति शेरबहादुर देउवा, नेता डा. शेखर कोइराला लगायतका नेताहरुले आफ्नो धारणा राखेका थिए ।
