पोखरा, १८ चैत्र । पोखरामा आगामी चैत्र २३ गतेदेखि खुल्ला प्याराग्लाइडिङ प्रतियोगिता हुने भएको छ । २५ गतेसम्म हुने प्रतियोगिता खुल्ला प्याराग्लाइडिङ च्याम्पियनसिपको २०औं संस्करण हो ।
अन्तर्राष्ट्रिय प्याराग्लाइडिङको छाता संस्था (एफएआई)बाट मान्यता प्राप्त उक्त च्याम्पियनसिपको सस्करण हुने नेपाल हवाई खेलकुद संस्थाले बिहीबार पत्रकार सम्मेलन गर्दै जानकारी दिएको हो ।
नेपाल प्याराग्लाइडिङ तथा ह्याङग्लाइडिङ संघ र नेपाल प्याराग्लाइडिङ पाइलट क्लबको सहयोगमा प्रतियोगिता हुने जनाइएको छ।
प्याराग्लयाइडिङको एक्युरेसी विद्यातर्फ विभिन्न ४ विधामा महिला तथा पुरुष खेलाडीले सहभागीता जनाउने छन् ।
आयोजकको अनुसार उक्त विधाका विजेता हुने खेलाडीहरुले नगद ५० हजार, ३० हजार, २० हजार र १० हजार प्राप्त गर्ने छन् ।
