काठमाडौं, १८ चैत्र । भारत भ्रमणमा रहेका प्रधानमन्त्री शेरबहादुर देउवालाई नयाँ दिल्लीले निकै महत्व दिएको छ । देउवाको स्वागतका लागि दिल्लीमा स्वागत द्वार समेत तयार गरिएका छन् ।
देउवा आज भारतीय जनता पार्टीको कार्यालयमा जाने तय भएको छ । उनले भाजपा अध्यक्ष जेपी नड्डालाई भाजपाको केन्द्रीय कार्यालयमा भेट्ने कार्यक्रम छ ।
भाजपा केन्द्रीय कार्यालयमा देउवाको स्वागतका लागि स्वागतद्वार तयार गरिएको छ । द्वारमा नेपालका प्रधानमन्त्री श्री शेर बहादुर देउवाजीको हार्दिक अभिनन्दन लेखिएको छ । द्वारको दाया बायाँ देउवा र भारतीय प्रधानमन्त्री नरेन्द्र मोदीको तस्बिर समेत छ । भाजपा अध्यक्ष जेपी नड्डाको तस्बिर मोदीसँगै केही माथि राखिएको छ ।
–Photo Source: ANI
