थानकोट, २२ चैत्र । चन्द्रागिरि नगरपालिकाको एकमात्र आयुर्वेद औषधालय चन्द्रागिरि–८ मातातीर्थस्थित आयुर्वेद औषधालयले मंगलबारबाट आफ्नै भवनबाट सेवा सुचारु गरेको छ ।
मंगलबार उक्त कार्यालयको नवनिर्मित भवन चन्द्रागिरि नगरका मेयर घनश्याम गिरीले एक समारोहबीच उद्घाटन गरेका हुन् ।
उद्घाटन समारोहमा चन्द्रागिरि नगरपालिका उपप्रमुख लिशा नकर्मी, प्रवक्ता एवं चन्द्रागिरि ११ का वडाध्यक्ष हरिभक्त महर्जन, चन्द्रागिरि-८ का वडाध्यक्ष सन्तोष खड्का लगायतको उपस्थिति रहेको थियो ।
