काठमाडौं, २३ चैत्र । सत्तारुढ दल नेपाली कांग्रेसका सभापति तथा प्रधानमन्त्री शेरबहादुर देउवासँग निर्वाचन आयोगका पदाधिकारहीहरुले आज भेट गर्दैछन् । प्रधानमन्त्री देउवाले निर्वाचन तयारी बारेमा जानकारी लिन आयोगका पदाधिकारीलाई बोलाएको स्रोतले जनाएको छ ।
आगामी बैशाख ३० गते स्थानीय तहको चुनाव हुँदैछ । सबै दल चुनावको तयारीमा जुट्दैछन् । मतपत्रका छपाईको जिम्मा पनि जनक शिक्षा सामाग्री केन्द्रलाई दिइएको छ । केन्द्रले केही दिनअघिबाट मतपत्र छाप्न सुरु गरेको छ ।
मंगलबार मात्रै निर्वाचन आयोगले ७९ दललाई बोलाएर निर्वाचन आचारसंहिताबारेमा छलफल गरेर लिखित रुपमा प्रतिवद्धताको लागि हस्ताक्षर गराएको थियो । File Photo
