एजेन्सी, ३० चैत्र । बलिउड अभिनेता रणवीर कपुर र अभिनेत्री आलिया भट्टको विवाह बलिउडको सबैभन्दा चर्चित विवाह साबित हुन सक्छ । दुवै कलाकारको फ्यान फलोइङ अत्याधिक छ र उनीहरुको प्रेम जीवनको पनि निकै चर्चा भएको छ ।
तर, आलिया रणवीरको पहिलो रोजाइ भने होइनन् । ११ वर्षको उमेरमा आलियालाई क्रश बनाएका रणवीर अहिलेसम्म ६ जनासँग सम्बन्धमा छन् । २०१९ मा रणवीरको विगतको बारेमा सोध्दा आलियाले एक अन्तर्वार्तामा भनिन्, ‘म पनि कम थोरै होइन ।’ आलियाले रणवीर भन्दा पहिले अरु कसैलाई पनि डेट गरिसकेकी छिन् ।
यी हुन् रणवीरसँग जोडिएका नाम
अवन्तिका मलिकः ३८ वर्षीय रणवीर आफ्नो अभिनय कौशल र आकर्षणका कारण चकलेट ब्वाईको नामले परिचित छन्। उनको पहिलो सम्बन्ध किशोरावस्थामा अवंतिका मलिकसँग भएको भनिन्छ। उनीहरुको सम्बन्ध लामो समय टिक्न सकेन र अवंतिकाले ‘जाने तू या जाने ना’ अभिनेता इमरान खानसँग विवाह गरिन् ।
नन्दिता मेहतानीः रणवीरले फेसन डिजाइनर तथा व्यवसायी सञ्जय कपूरकी पहिलो पत्नी नन्दिता मेहतानीलाई आफ्नो दोस्रो फिल्म ‘बचना ए हसीनो’ को सेटमा भेटेका थिए। मिडिया रिपोर्टका अनुसार उनीहरुको मित्रता प्रेममा परिणत भयो । नन्दिता रणवीरभन्दा १० वर्ष जेठी थिइन् र सायद यही कुरा नै उनीहरुको ब्रेकअपको कारण बन्यो । केही समयमा दुवै अलग भए ।
सोनम कपुरः रणवीरले सञ्जय लीला भन्सालीको फिल्म ‘ब्ल्याक’ को सेटमा सोनमलाई भेटेका थिए । दुबैले चलचित्र सावरियाबाट सँगै डेब्यू गरेका थिए र नजिक पनि आएका थिए । फिल्म सावरिया फ्लप भयो तर सोनम र रणवीरको केमेस्ट्री निकै हिट साबित भयो । तर यो सम्बन्ध लामो समय टिक्न सकेन र दुबै अलग भए ।
दीपिका पादुकोणः दीपिकासँग रणवीरको सम्बन्ध सबैभन्दा बढी चर्चामा छ । यी दुईको भेट सन् २००७ मा ‘बचना ए हसीनो’को सेटमा भएको थियो । रणवीर र दीपिकाको जोडीलाई पनि मानिसहरूले मन पराएका थिए तर यो सम्बन्ध पनि धेरै टिक्न सकेन । कट्रिनाका लागि रणवीरले दीपिकालाई धोका दिएको बताइएको छ ।
कट्रिना कैफः रणवीरको कट्रिनासँग लामो समयदेखि सम्बन्ध छ । दुवैले ६ वर्ष एकअर्कालाई डेट गरेका थिए । यी दुईको भेट अजब प्रेम की गजब कहानीको सेटमा भएको थियो । फिल्म हिट मात्र भएन, कैट र रणवीरको जोडीलाई पनि मानिसहरुले मन पराएका थिए । करिब चार वर्षसम्म लिभ–इनमा बसेका कारण यी दुईले एकअर्कासँग गाँठो बाँधिने बुझिएको थियो तर यो सम्बन्ध पनि लामो समय टिक्न सकेन । अहिले कट्रिनाले विक्की कौशलसँग विवाह गरेकी छिन् ।
माहिरा खानः रणवीरले पाकिस्तानी अभिनेत्री माहिरा खानलाई डेट गरेको खबर पनि आएको थियो । दुवैले सँगै धुम्रपान गरेको तस्विर पनि निकै भाइरल भएको थियो । दुवैलाई ग्लोबल प्राइज टिचर्स सेरेमनीमा सँगै देखाइएको थियो, जब उनीहरुको सम्बन्धको हल्लाले आगो लगायो।
यस्तो थियो आलियाको प्रेम जीवन
अली दादरकरः अभिनय सुरु गर्नुअघि आलियाको नाम अली दादरकरसँग जोडिएको थियो । आलिया अलीसँग डिनर डेटमा जान्थिन् । आलियाले बलिउडमा डेब्यु गरेपछि अलीसँगको उनको सम्बन्ध समाप्त भयो।
सिद्धार्थ मल्होत्राः आलिया र सिद्धार्थले फिल्म ‘स्टुडेन्ट अफ द इयर’ बाट बलिउडमा डेब्यू गरेका थिए । दुवैले मिडियाको अगाडि आफ्नो सम्बन्धको बारेमा कहिल्यै स्वीकार गरेनन् तर केही वर्ष डेट गरेपछि उनीहरु ब्रेकअप भएको बताइएको छ ।
कविन मित्तलः आलिया हाइक मेसेन्जर एपका संस्थापक कविन मित्तलसँग सम्बन्धमा रहेको खुलासा भएको छ । काभिनले इम्पेरियल कलेज, लन्डनमा अध्ययन गरे, यद्यपि यो सम्बन्ध कहिल्यै पुष्टि हुन सकेन।
