काठमाडौं, ३ बैशाख । शैक्षिक तथा उद्यमशिलताका क्षेत्रमा सक्रिय युवा व्यवसायी गेन्द्र लामा सम्मानित भएका छन् ।
चन्द्रलोक प्रतिष्ठानले आज (शनिबार) एक कार्यक्रमको आयोजनाबीच लामालाई सम्मान गरेको हो ।
कार्यक्रमका प्रमुख अतिथि मन्त्रिपरिषदका पूर्व अध्यक्ष खिलराज रेग्मीले उनलाई सम्मान गरे ।
शिक्षा तथा उद्यम क्षेत्रमा पुर्याएको महत्वपूर्ण योगदानको कदर गर्दै संस्थाले लामालाई सम्मान गरिएको हो ।
मनास्लु वर्ल्ड कलेजका अध्यक्ष लामा प्राक्सिस इन्टरनेशनल एकेडेमीका प्रिन्सिपल समेत हुन् ।
मनास्लु टिम अफ आन्टरप्रेनरसिपका संस्थापक अध्यक्षसमेत रहेका लामा सहारा फाउन्डेसनमा पनि अध्यक्षको भूमिकामा सक्रिय छन् ।
काठमाडौं विनायक शिक्षालयका अध्यक्षसमेत रहेका लामा नेशनल प्याब्सन, लायन्स लगायतका संघ/संस्थामा आवद्ध छन् ।
सम्मान भएपछि लामाले यो सम्मानले आफूलाई थप प्रेरणा मिलेको बताए ।
