काठमाडौं, १४ वैशाख । नेपाली काँग्रेसका महामन्त्री गगन थापाले नेकपा एमालेका अध्यक्ष केपी शर्मा ओलीको मुखमा अङ्गार भएको टिप्पणी गरेका छन् । आज राजधानीमा आयोजित पार्टीको कार्यक्रममा बोल्दै ओलीको मुखमा अङ्गार भएकाले कालै ओकल्ने गरेको टिप्पणी गरे ।
‘केपी ओलीको मुखमा अङ्गार छ,’ थापाले भने,‘मुखमा अङ्गार छ, ओकल्ने कालै हो ।’ थापाले ओलीले आलोचना गर्नेहरुलाई पागल भन्ने गरेको बताए । विगतमा गोविन्द केसीलाई पागल भनेको स्मरण गर्न भने ।
ओलीले सालिन बोल्न छाडेको टिप्पणी गर्दै भने,‘ओलीले मुख छाड्नुभयो भन्ने नयाँ कुरा भएन, उहाँले सालिन बोलेको मात्र समाचार बन्छ ।’
ओली झुट बोल्न खप्पिस रहेको आरोप लगाउँदै समर्थकहरुले खित्का छाडेर हाँसेको देखेर दंग पर्दै घर जाने गरेको बताए । उनले भने,‘तपाईं झुट बोल्नुहुन्छ भनेपछि सनक्क सन्केर उफ्रनुहुन्छ, प्याच्च बोल्ने ।’-Photo: Mukunda Kalikote/Reportersnepal
