बबरमहलमा स्कुटर दुर्घटना, एक जनाको मृत्यु

काठमाडौं, वैशाख १९ । नयाँबानेश्वरबाट माइतीघरतर्फ जाँदै गरेको स्कुटर बबरमहलमा दुर्घटना हुँदा एकजनाको मृत्यु भएको छ । बा६१प ८९८८ नम्बरको स्कुटर अनियन्त्रित भई आइतबार राति पौने १२ बजे दुर्घटना भएको थियो ।

दुर्घटनामा डडेल्धुराको अमरगढी नगरपालिका ५ पोखरा घर भई कोटेश्वर बस्दै आएका केबिन श्रेष्ठको मृत्यु भएको हो । श्रेष्ठको उपचारको क्रममा वीर अस्पतालमा मृत्यु भएको हो ।