एजेन्सी, १५ जेठ । बलिउड अभिनेत्री कंगना रनौतको फिल्म ‘धाकड’ले बक्स अफिसमा नराम्रो व्यापार गरिरहेको छ । रिपोर्टका अनुसार करिब १०० करोडको बजेटमा बनेको फिल्मले ८ दिनमा ५ करोड मात्रै कमाउन सकेको छ । यति मात्र होइन, भारतमा रिलिजको आठौं दिनमा फिल्मको २० टिकट मात्रै बिक्रि भएकाले ‘धाकड’ले चार हजार ४२० रुपैयाँ मात्रै कमाएको छ । योसँगै ‘धाकड’ कंगनाको करियरकै सबैभन्दा ठूलो फ्लप फिल्म पनि बनेको छ ।
रिपोर्टका अनुसार पहिलो दिनमै फिल्म बक्स अफिसमा फ्लप भएको थियो । फिल्मले पहिलो दिन मात्रै ७५ लाखको व्यापार गर्न सकेको थियो । योसँगै फिल्मले पहिलो हप्ता अर्थात ७ दिनमा मात्र २ करोडको कलेक्सन गरेको थियो । रिलिजदेखि अहिलेसम्म हलमा ‘धाकड’को फ्लप शो जारी छ । यो फिल्म भारतमा २२ सय स्क्रिनमा रिलिज भएको थियो ।
स्रोतका अनुसार दोस्रो साता भारतका २५ थिएटरमा ‘धाकड’ चलिरहेको छ । पहिलो साताको तुलनामा दोस्रो साता करिब ९८.८० प्रतिशतले हलबाट हटेको छ । दिल्ली सबैभन्दा ठूलो सहर हो, जहाँ ४ वटा थिएटरमा ‘धाकड’ चलिरहेको छ । योसँगै मुम्बईको कुनै पनि सिनेमा हलमा फिल्म चलिरहेको छैन । किनभने, पहिलो हप्तापछि नै यो फिल्म मुम्बईका सबै थिएटरबाट हटाइयो । जबकि टिकट बुकिङ एप द्यययपःथक्जयध मा ‘धाकड’ ‘नो वाच विकल्प’ सहित देखाइँदैछ । यसको मतलब चलचित्र हेर्नेहरूका लागि बुक गर्नका लागि कुनै कार्यक्रमहरू उपलब्ध छैनन्।
बक्स अफिसमा फिल्म फ्लप हुँदा फिल्मको ओटीटी र स्याटेलाइट अधिकार सम्झौतामा प्रत्यक्ष असर परेको छ । रिपोर्टका अनुसार फिल्म सुपर फ्लप भएपछि अब यसको ओटीटी र स्याटेलाइट राइट्स पनि बिक्री हुन सकेको छैन । किनभने, निर्माताले क्रेता पाएका छैनन् ।
बलिउड हंगामाको रिपोर्टका अनुसार ‘धाकड’को बक्स अफिसमा खराब प्रदर्शनपछि यस फिल्मका धेरै शो पनि रद्द भएका छन् ।
यस्तो अवस्थामा अब फिल्मका निर्मातालाई ओटीटीमा स्थान पाउन निकै संघर्ष गर्नु परेको छ । स्रोतका अनुसार निर्माताले कुनै पनि ठूला ओटीटी प्लेटफर्मबाट राम्रो डिल पाउँछन् भन्ने सोचेर फिल्म रिलिजअघि नै ‘धाकड’को अधिकार बिक्री गरेका थिएनन् । यही कारण थियो कि फिल्मको सुरुमा पनि ओटीटी र स्याटेलाइट सम्झौताको बारेमा निर्माताहरूले कुनै जानकारी दिएनन्।
‘धाकड’ बक्स अफिसमा फ्लप साबित भएको बताइन्छ र यस्तो अवस्थामा फिल्मको स्याटेलाइट र डिजिटल राइट्स बेचेर निर्माताले राम्रो आम्दानी गर्नेछन् भन्ने आशा गर्न सकिँदैन । यति मात्र होइन, फिल्मका निर्माताले ओटीटी र स्याटेलाइट अधिकारका लागि अहिलेसम्म कुनै सम्झौता गरेका छैनन् । ‘धाकड’ एउटा एडल्ट फिल्म भएको र यसलाई टिभीमा देखाउनका लागि निर्माताले पुनः सर्टिफिकेट लिनुपर्ने पनि बताइएको छ, जुन निकै लामो प्रक्रिया हो । योसँगै फिल्मलाई लिएर फ्यान र समीक्षकबाट पनि राम्रो प्रतिक्रिया आएको छैन ।
जि स्टुडियो मार्फत सिनेमाघरमा ‘धाकड’ वितरण गरिएको हो । फिल्मको ओटीटी र स्याटेलाइट राइट्स जी भर्टिकल, जी ५ र जी सिनेमाले किन्ने बजारमा चर्चा थियो । यद्यपि, स्रोतले न्छ फिल्मको इत्त् पार्टनर नभएको दाबी गरेको छ। निर्माताहरूले अमेजन प्राइम भिडियोको अधिकार बेच्न खोजिरहेका छन्। फिल्मको ओटीटी र स्याटेलाइट राइट्सको सम्झौताको पुष्टि केही दिनमा नै हुनेछ । एक उद्योग स्रोतले श्भभ अझै टिभी र डिजिटल प्रिमियरहरूको लागि बोर्डमा आउन सक्छ भनेर जानकारी दिन्छ।
तर, ‘धाकड’का निर्माताले अब कम मूल्यमा अधिकार मिलाउनुपर्ने भएको छ । “धकड’ करिब १०० करोडको बजेटमा बनेको छ, निर्मातालाई घाटा अकल्पनीय हुनेछ,“ स्रोतले भन्यो। रजनीश घई निर्देशित यो एक्शन थ्रिलर फिल्म २० मे मा हलमा रिलिज भएको थियो । फिल्ममा कंगनाका अलावा अर्जुन रामपाल, दिव्या दत्त र शाश्वत चटर्जी पनि मुख्य भूमिकामा छन् । फिल्ममा कंगना एजेन्ट अग्निको भूमिकामा देखिएकी छिन् ।
