काठमाडौ, २० जेठ । केही दिन यता नुवाकोटमा कालो नकाबधारीहरुले आतंक मच्चाइरहेका छन् ।
शुक्रबार विदुर नगरपालिका–८ पिडालुबारीमा कालो पोशाकमा कालो रङ मुखमा लगाएर कोही नभएको घरमा ४ जना आएको स्थानीय दिनेश पौडेलले बताए । पौडेलले नकावधारी ४ जनालाई गाउँले मिलेर लखेटेको जानकारी दिए ।
उनले भने,‘कोही नभएको घरमा पसेर ४ जनाले लुट्न खोजेको अवस्थामा गाउँले मिलेर लखेटियो । घर फोर्नु अघि नै हामीले लखेट्न सफल भयौ तर गाउँका सबै त्रसित छन् ।’ गाउँनै अहिले आतंकित भएको पौडेलले बताए ।
अहिले गाउँको सुरक्षामा नगर प्रहरीहरु खटिएका छन् । उनले केही दिन यता अन्य नुवाकोटका केही स्थानमा पनि नकावधारीहरुले आतंक मच्चाइरहेको सुनाए ।
