एजेन्सी, २० जेठ । भारतको हैदरावादमा १७ वर्षीया किशोरीमाथि सामूहिक बलात्कार भएको छ । घटनामा ४ जना किशोर संलग्न भएको खुलेको छ ।
किशोरीमाथि बलात्कार गर्नेहरु नाबालिग नै रहेको इन्डियन एक्सप्रेसले लेखेको छ । शनिबार साँझ पबमा गएकी किशोरीलाई किशोरहरुले कारमा घर पुर्याइदिने भनेका थिए । तर, उनीहरुले कारमा राखी बलात्कार गरेका थिए ।
जन्मदिनको भोजमा किशोरी बाबुआमासँग सोधेर गएकी थिइन् । त्यहाँ रक्सी नभएको थाहापाएर बाबुआमाले पठाएका थिए । तर, किशोरी बलात्कृत भएकी थिइन् ।
प्रहरीमा दुई दिनपछि घटनाको उजूरी परेको थियो । किशोरीले सुरुमा बलात्कारबारे नभनेको र काउन्सिलिङका क्रममा घटना खुलाएकी थिइन् । उनी निकै तनावमा थिइन् । प्रहरीले कारको पहिचान गरिसकेको र घटनाका अभियुक्तहरुको पनि पहिचान गरी पक्राउ गरिएको बताइएको छ ।
