एजेन्सी । युईएफए नेसन्स लिग ए अन्तर्गत भएको खेलमा युरो च्याम्पियन इटाली र जर्मनीले बराबरी खेलेका छन् । गएराति भएको खेलमा इटाली र जर्मनी १-१ गोलको बराबरी खेल्दै अङ्क बाढेका हुन् ।
स्टाडियो रेनाटोमा भएको खेलमा इटालीको लागि लोरेन्जो पेल्लेग्रिनि र जर्मनीको लागि जोसा किमिचले एक/एक गोल गरे । पहिलो हाफ गोलरहित बराबरीमा सकिएको खेलको दोस्रो हाफको तीन मिनेटको अन्तरालमा दुई गोल भएको हो ।
खेलको ७० औं मिनेटमा विल्फ्रेडको पासमा पेलेग्रिनीले गोल गर्दै इटालीलाई शुरुवाती अग्रता दिलाएका थिए । ७२ औं मिनेटमा किमिचले गोल गर्दै जर्मनीलाई बराबरीमा ल्याए । बाँकी समयमा दुवै टोलीबाट थप गोल हुन नसक्दा खेल १-१ गोलको बराबरीमा सकिएको हो ।
बराबरीसँगै एक/एक अङ्क जोड्दै जर्मनी समूह ३ को दोस्रो र इटाली तेस्रो स्थानमा रहेका छन् ।
