धनराज गुरुङलक्षित देउवाको टिप्पणी-पछि सभापति भएपछि थाहा पाउनुहुनेछ

काठमाडौं, २१ असार । नेपाली कांग्रेसका सभापति शेरबहादुर देउवा र उपसभापति धनराज गुरुङबीच सार्वजनिक कार्यक्रममै घोचपेच भएको छ। नेपाली कांग्रेसका भूतपूर्व सभापति स्वर्गीय गिरिजाप्रसाद कोइरालाको शालिकअनावरणका क्रममा उपसभापति गुरुङले पाँच दलीय गठबन्धनभित्र समस्या उत्पन्न भएको टिप्पणी गरेका थिए । त्यसपछि बोलेका सभापति देउवाले पार्टीभित्र त समस्या हुन्छ भने गठबन्धनभित्र समस्या हुनु ठूलो कुरा नहुने जवाफ फर्काए ।

देउवाले गठबन्धनभित्र समस्या उत्पन्न हुनुलाई सामान्य रुपमा लिन आग्रह गरेका थिए । देउवाले भनेका थिए,‘एउटै पार्टीमा त समस्या हुन्छ भने गठबन्धनमा समस्या हुन्छ नै । यसलाई सबैले सामान्य रुपमा लिनुपर्छ । पछि सभापति भएपछि थाहा पाउनुहुनेछ । आफ्नो पार्टी मिलाउनुपर्नेमा गठबन्धन मिलाउनुपर्ने अवस्था छ । साथीहरुले यसलाई बुझ्नुपर्छ ।’ Photo By: Mukunda Kalikote/ReportersNepal