जुम्ला, ३१ असार । जुम्लाको हिमा गाउँपालिका-१ आचार्यलिहीमा रहेको भित्री खोला जलविद्युत् आयोजनाको पावर हाउस भासिँदा पावर हाउसका सुरक्षा गार्डसहित तीन जनाको मृत्यु भएको छ।
विहिबार राति २ बजे आसपास भएको उक्त घटनामा एकै परिवारका तीन जनाको मृत्यु भएको हो । मृत्यु हुनेमा ३० वर्षीय विमला रावत र उनका दुई छोरा ९ वर्षीय भरत र ८ वर्षीय सूर्य रावत रहेका छन् ।
गोरक उक्त पावर हाउसका चौकीदार हुन् । घटनामा गोरककी श्रीमती र दुईवटा छोराको घटनास्थलमै मृत्यु भएको हो । मृतक तीनै जना आयोजनाको पावर हाउस भित्र सुतिरहेका थिए ।
