भारत उड्नुअघि प्रचण्डले भने–छिट्टै चीनको पनि भ्रमण गर्छु (भिडिओसहित)

काठमाडौं, ३१ असार । नेकपा (माओवादी केन्द्र) का अध्यक्ष पुष्पकमल दाहाल ‘प्रचण्ड’ भारत उडेका छन् । भारत उड्नुअघि त्रिभुवन अन्तर्राष्ट्रिय विमानस्थलमा मिडियाकर्मीहरुसँगको कुराकानीमा उनले आफू छिट्टै चीन जानेपनि बताए । दाहाल तीन दिने भ्रमणका लागि आज नयाँ दिल्ली प्रस्थान गरेका हुन् ।

सो क्रममा उनले आफूलाई चीनबाट पनि भ्रमणको निम्तो आएको सुनाए । उनले भने,‘‘अब कोभिड पनि छिट्टै नियन्त्रणमा आउँदैछ, तपाईं छिट्टै चीन भ्रमणमा आउनुपर्छ भन्नुभएको छ, मैले चीन भ्रमणमा आउँछु पनि भनेको छु । छिट्टै मेरो चीन भ्रमण पनि हुन्छ ।’ उनले आफूलाई नेपालका पूर्व राजदूत विनयमोहन क्वात्राले नै भ्रमणको निम्तो दिएको र उपयुक्त समयमा आउने बताएअनुसार आज भारत हिँडेको बताए ।

https://www.facebook.com/RishiDhamalaOfficial/videos/588946099259156