काठमाडौं, १५ साउन । नेपाली कांग्रेसकी नेतृ तथा प्रधानमन्त्री शेरबहादुर देउवाकी पत्नी डा. आरजु राणा सफल उपचारपछि आज स्वदेश फर्किएकी छिन् ।
उपचारको क्रममा उनी पछिल्लो समय भारतको नयाँ दिल्लीमा थिईन् ।
उनको पाठेघरसम्बन्धी शल्यक्रिया भएको थियो ।
उनी स्वास्थ्यलाभ गरी आज स्वदेश फर्किएको भारतका लागि नेपाली राजदूत डा. शंकर शर्माले जानकारी दिएका छन् ।
दिल्ली बसाईको क्रममा उनले भारतीय जनता पार्टीका विदेश विभाग प्रमुख डा. विजय चौथाईवालेसँग भेटवार्ता गरेकी थिईन् ।
