प्रचण्ड जापान उडे, विमानस्थलमा विदाई गर्न माओवादी नेताहरुको ताँती (फोटोफिचर)

काठमाडौं, २० साउन । नेकपा (माओवादी केन्द्र) का अध्यक्ष पुष्पकमल दाहाल ‘प्रचण्ड’ पाँच दिने भ्रमणको लागि जापान प्रस्थान गरेका छन् । दाहाललाई विमानस्थलमा विदाई गर्न पार्टीका शीर्ष नेताहरुको लर्को लागेको थियो ।

वरिष्ठ नेता नारायणकाजी श्रेष्ठदेखि विद्यार्थी नेताहरुसम्मको ताँती लागेको थियो । जापानमा रहँदा दाहाल विभिन्न कार्यक्रममा सहभागी हुने जनाईएको छ । सो क्रममा उनले जापानको सत्तासिन दल लिवरल डेमोक्रेटिक पार्टीका नेताहरुसँग पनि भेटवार्ता गर्ने जनाईएको छ ।

दाहालको सचिवालयले उनको भ्रमणबारे प्रकाश पार्दै उक्त भ्रमणले नेपाल-जापान सम्बन्धलाई थप मजवुत बनाउन मद्दत गर्ने विश्वास लिएको छ । यस्तै, नेपालको आर्थिक विकास र समृद्धिको बाटोमा जापान सरकार र जापानमा रहेका प्रवासी नेपालीबिचमा विश्वास र सहकार्यमा बढोत्तरी हुनेमा पनि दाहालको सचिवालय विश्वस्त छ ।