काठमाडौं, ६ भदौ । गत वर्ष दसैंको अवसरमा डिजिटल प्रतियोगिता ’सनसिल्क दसैं भाइब्स’ सुरू गरेको सनसिल्कले यस वर्षपनि अभियान सञ्चालन गर्ने भएको छ ।
कम्पनीले उक्त प्रतियोगितालाई आफ्नो कपाल प्रदर्शन गरी आफ्नो क्षितिज फैलाउने अवसरका रूपमा युवतीहरूमाझ प्रस्तुत गर्दै आएको छ ।
कम्पनीका अनुसार ’सनसिल्क ग्याङ अफ गर्ल्स’ अभियानको एक हिस्सा बनेर ब्रान्डसँग आबद्ध हुने मौका दिएको थियो।
उक्त प्रतियोगितामा आशिना देउलालगायत ३ जनाले जित हासिल पारेका थिए । सनसिल्कका ब्रान्ड एम्बेसडरद्वय प्रिन्सी र प्रिज्मा खतिवडा पनि यसमा जोडिएका थिए।
प्रतियोगिताका विजेताहरूले यस वर्ष ’सीमित विशेष दसैं प्याक’ को सार्वजनिक कार्यक्रममा प्रस्तुत हुने अवसर पनि पाएका छन्। कम्पनीका अनुसार यी प्याक नेपालमा पहिलो पटक प्रस्तुत गरिँदैछ।
यो नयाँ प्याकमा हेयरफल सोलुसन, ब्ल्याक साइन र पर्फेक्ट स्ट्रेट रहेका छन् । लाखौं घरमा यो नयाँ प्याकले स्थान पाउने कम्पनीले अपेक्षा छ ।
कार्यक्रममा युनिलिभरका प्रबन्ध निर्देशक आमलन मुखर्जीले लाखौंं उपभोक्ताले सनसिल्क रूचाएको बताउँदै भने, ’गत वर्ष दसैंमा भएको प्रतियोगिताका विजेताहरूलाई प्रस्तुत गर्न पाउँदा हामी अत्यन्त खुसी छौं। प्रतियोगिता आफैंमा एक अभूतपूर्व सफल अभियान थियो।’
यस वर्षको दसैं नजिकिँदै गएको सन्दर्भमा सनसिल्कले फेरि पनि सनसिल्क दसैं भाइब्स सुरू गर्ने तयारी गरेको जनाएको छ।
