काठमाडौँ,७ भदौ । विश्वको सर्वोच्च शिखर सगरमाथा आरोहण गरेकी पहिलो महिला पत्रकार कल्पना महर्जनले विभिन्न खेलाडीलाई प्रशिक्षण दिएकी छिन् । उनले सहभागी खेलाडीलाई ‘क्लाइम्बिङ’ गराएकी हुन् ।
क्लाइम्बिङ खेललाई प्रवद्र्धन गर्न आइतबारदेखि राजधानीमा प्रारम्भ भएको साताब्यापी अभ्यासका क्रममा महर्जनले सोमबार खेलाडीलाई क्लाइम्बिङ गराएकी हुन् । धुम्बाराहीस्थित पासाङ ल्हामु स्पोटर्स क्लाइम्बिङमा अभ्यास गराइएको हो । ‘संस्कृति र साहससँगसँगै’ नाराका साथ ‘तीज अन दी वाल’ कार्यक्रमका क्रममा खेलाडीलाई क्लाइम्बिङ गराइएको ‘क्लाइम्बिङ स्पोटर्स् एसोसिएसनका अध्यक्ष हरि घलेले जानकारी दिए ।
तीजलाई फरक ढङ्गमा मनाउने उद्देश्यका साथ एकसाताको ‘तीज अन दी वाल’ सुरु गरिएको हो । कार्यक्रमअन्तर्गत फरकफरक दिन फरकफरक क्षेत्रका व्यक्तिलाई क्लाइम्बिङ अभ्यास गराउने कार्यक्रम तय गरिएको उनले बताए । गत वर्षदेखि तीजको अवसरमा कार्यक्रम आयोजना गरिँदै आएको आयोजकले जनाएको छ । रासस
