काठमाडौं, २२ भाद्र । अनिल चौहान भारतमा कार चोरीका बादशाह हुन् । उनीमाथि ५ हजारभन्दा बढी कार चोरीको अभियोग छ । दिल्ली प्रहरीले चौहानलाई पक्राउ गरेको छ ।
तीन पत्नीका पति अनिल चौहानको विलासी जीवनका धेरै तथ्यहरु खुलेको छ । १० करोड भारुको भिल्ला, हातभर ब्रासलेटका अलावा कार चोर्न विमानमा ओहोर गर्ने उनको जीवनशैली खुलेको छ ।
५२ वर्षीय चौहानले २५ देखि ३० सहयोगीलाई परिचालन गर्थे । ती सहयोगीमार्फत् कार चोर्ने र उत्तरपूर्वी भारतका अलावा नेपालसम्म बेच्ने गरेको इन्डियन एक्सप्रेसले उल्लेख गरेको छ । कार चोरीको उनको साम्राज्य भारत बाहिरसम्म पनि फैलिएको खुलेपछि दिल्ली प्रहरीले अनुसन्धान बढाएको छ ।
