काठमाडौं, ४ असोज । पूर्वमन्त्री तथा जनता समाजवादी पार्टीका नेता खोभारी राय नेकपा (एमाले) मा प्रवेश गरेका छन् ।
पार्टीका अध्यक्ष केपी शर्मा ओली र महासचिव शंकर पोखरेलले पूर्व मन्त्री रायलाई पार्टीमा स्वागत गरेका थिए ।
रायसँगै जसपाका सुनितादेवी यादव , धीरेन्द्र राय, राजमोहन राय, रामप्रवेश राय पनि एमालेमा प्रवेश गरेको एमालेले जनाएको छ ।
यसैगरी जसपाका केन्द्रीय कार्यकारिणी समितिका सदस्य प्रतिनिधि सभाका निवर्तमान सांसद अमृता अग्रहरी पनि गत आइतबार बालकोट पुगेर एमालेमा प्रवेश गरेका थिए ।
