आयोगको आचारसंहिताबारे प्रधानमन्त्रीलगायत दलहरुसँग छलफल सुरु

काठमाडौं, ९ असोज । आगामी मंसिरमा हुने निर्वाचनको लागि लागू गर्ने आचारसंहिताबारे निर्वाचन आयोगले राजनीतिक दलहरुसँग छलफल सुरु गरेको छ।

आयोगको कार्यालयमा भर्खरै सुरु भएको छलफलमा प्रधानमन्त्री शेरबहादुर देउवा, गृहमन्त्री बालकृष्ण खाँण, नेकपा एकीकृत समाजवादीका अध्यक्ष माधव कुमार नेपाल लगायत आयोगले निमन्त्रणा गरेका सवै राजनीतिक दलका नेता तथा पदाधिकारी उपस्थित भएका छन् ।

मंसिर ४ गते हुने प्रदेशसभा र प्रतिनिधिसभा निर्वाचनका लागि आचारसंहिता लागू गर्ने तयारी गरेको आयोगले आज राजनीतिक दलका प्रमुख तथा पदाधिकारीसँग छलफल सुरु गरेको हो।

Photo : Mukunda Kalikote