काठमाडौं, २३ असोज । नेकपा (माओवादी केन्द्र) ले काठमाडौं-९ मा कल्पना धमलालाई उम्मेदवार बनाएको छ । नेतृ धमला पूर्वमन्त्री हुन् । उनी धादिङको साविक क्षेत्र नं-२ बाट ०६४ को संविधानसभाको चुनावमा विजयी भएकी थिईन् ।
पछिल्लो समय उनी पार्टीमा स्वास्थ्य विभागमा कार्यरत छिन् । उनलाई सत्ता गठबन्धनको सहयोग रहेको छ । माओवादीले काठमाडौंमा पाएको तीनवटै क्षेत्र काठमाडौं-२, काठमाडौं ७ र काठमाडौं-९ मा महिला उम्मेदवार बनाएको छ । काठमाडौं-२ मा ओनसरी घर्तीमगर र काठमाडौं-७ मा मानुषी यमी उम्मेदवार छन् ।
