एजेन्सी, २४ असोज । बलिउड अभिनता रणवीर कपुर र अभिनेत्री आलिया भट्ट आमाबुवा बन्ने खबर जुनसुकै बेला आउन सक्छ । यसअघि पनि रणवीर कपुर चाँडै लामो पेरेन्टिङ बिदामा जान सक्ने खबर आएको थियो । हालै सामाजिक सञ्जालमा यी दुई जोडीका केही तस्बिर भाइरल भएका छन् । तस्बिरमा आलिया भट्ट आफ्नो बेबी बम्प फ्ल्यान्ट गरिरहेकी छिन् । फोटोमा रणवीरले आलियाको हात समातेको देखिन्छ । तस्बिरहरू हेर्दा दुवै आफ्नो बच्चालाई स्वागत गर्न निकै उत्साहित छन् भन्ने अनुमान गर्न सकिन्छ ।
हालैका केही रिपोर्टका अनुसार रणवीरले हालै फिल्म साइन गर्न छोडेका छन् । बच्चाको जन्मपछि बच्चाको हेरचाहको जिम्मेवारी रणवीरको काँधमा आउने विश्वास गरिन्छ । अर्कोतर्फ, खबरलाई विश्वास गर्ने हो भने, आलिया डिलिवरी पछि काममा फर्किनेछिन् । रणवीरका एक नजिकका साथीले सन्चारकलाई जन्म दिएपछि अभिनेताले फिल्मबाट लामो ब्रेक लिने सोच बनाएको बताएका छन् ।
रणवीर र आलियाले भर्खरै मिडियालाई दिएको एक अन्तर्वार्तामा भनेका थिए, “हामीले आफ्नो गर्भमा रहेको बच्चाको लागि सबै तयारी गरेका छौं, बच्चाको लागि जे आवश्यक छ, हामी दुबैले ती सबै कुराको व्यवस्था गरेका छौं। हामीले हाम्रो बच्चाको लागि कोठा पनि तयार गरेका छौं । ”
उनको डिलीवरी पछि, आलियाले फिल्म रकी र रानीको प्रेम कथाको बाँकी भाग शूट गर्नु पर्छ, चाँडै उनी सञ्जय लीला भन्सालीको बैजु बावरासँग जोडिनेछिन्। अर्कोतर्फ रणवीरले पनि आफ्नो अभिभावकत्व बिदालाई ध्यानमा राखेर कुनै पनि फिल्म साइन गरेका छैनन् ।
