एजेन्सी, २५ असोज । बउिउड महानायक अमिताभ बच्चनले आज आफ्नो ८०औं जन्मदिन मनाउँदैछन्। जन्मदिनको विशेष अवसरमा उनलाई देशैभरबाट शुभकामना आइरहेका छन् । फ्यानदेखि स्टार्ससम्म सबैले अमिताभ बच्चनलाई स्वस्थ जीवनको कामना गर्दै जन्मदिन विशेष बनाएका छन् ।
भारतीय प्रधानमन्त्री नरेन्द्र मोदीले उनलाई जन्मदिनको शुभकामना दिँदै आफ्नो ८०औं जन्मदिनलाई अझ विशेष बनाएका छन्। प्रधानमन्त्री मोदीले ट्वीट गर्दै बिग बीको स्वस्थ जीवनको कामना गरेका छन् ।
अमिताभ बच्चनको जन्मदिनको विशेष अवसरमा देशका प्रधानमन्त्री नरेन्द्र मोदीले अभिनेतालाई जन्मदिनको शुभकामना दिँदै लेखेका छन्, ‘अमिताभ बच्चन जीलाई ८० औँ जन्मदिनको धेरै धेरै शुभकामना । उहाँ भारतका उत्कृष्ट र अचम्मको फिल्म व्यक्तित्वहरू मध्ये एक हुनुहुन्छ, जसले पुस्तादेखि दर्शकहरूलाई मनोरञ्जन दिनुभएको छ र सधैं उनीहरूको ध्यान खिचेको छ। भगवानले तपाईलाई दीर्घायु र स्वस्थ जीवन दिऊन ।’
फिल्म सात हिन्दुस्तानीबाट आफ्नो करियर सुरु गरेका अमिताभ बच्चनले विगत पाँच दशकदेखि दर्शकलाई मनोरञ्जन दिइरहेका छन् । उनी चलचित्रमा निरन्तर सक्रिय छन् । हालै बिग बीका दुई ठूला फिल्म ‘ब्रह्मास्त्र’ र ‘गुडबाय’ थिएटरमा रिलिज भएका छन् । दुवै चलचित्रले दर्शकको अत्याधिक माया पाएका छन् । अमिताभ बच्चनको ८०औँ जन्मदिनको अवसरमा मुम्बईमा उनका प्रतिष्ठित फिल्म अमर–अकबर–एन्थोनी र दीवारको स्पेशल स्क्रिनिङ राखिएको थियो, जसमा शबाना आजमीदेखि अनन्या पाण्डेलगायतका ठूला स्टारहरू पुगेका थिए।
