काठमाडौं, ३ कार्तिक । ललितपुरको जावलाखेलमा आजबाट १५औँ गोदावरी पुष्प मेला सुरू भएको छ । ‘रोपेर फूल गोदावरी, सजाऔँ घरआगँन वरिपरि’ भन्ने मूल नाराका साथ आज (बिहीबार) देखि आगामी चार दिनसम्म फूलको प्रतियोगिता तथा प्रदर्शनी व्यापार मेला सुरू भएको हो ।
फ्लोरिकल्चर एशोसिएसन नेपाल (फ्यान) को आयोजनामा गोदावरी फूलको व्यवसायिक विस्तार तथा विकास गर्ने उद्देश्यले पुष्प प्रदर्शनी गरिँदै आएको हो । मेलाले गोदावरीलगायत विभिन्न फूलको व्यवसायको विकास, विस्तार तथा प्रबर्द्धनमा सघाउ पुर्याउने एशोसिएसनले जनाएको छ । मेलामा व्यावसायिक स्टल ४९, प्रतियोगितात्मक स्टल २ र सूचनामूलक ४ गरी जम्मा ५५ वटा प्रदर्शनी कक्ष छन् ।
तस्विर : मुकुन्द कालिकोटे, रिपोर्टर्स नेपाल डटकम
