काठमाडौं, ४ कात्तिक । आजदेखि सत्ता गठबन्धनको प्रदेशव्यापी चुनावी प्रशिक्षण अभियान सुरु भएको छ । नेपाली कांग्रेस, माओवादी केन्द्र र एकीकृत समाजवादीका शीर्ष नेताहहरुले आज पोखरामा प्रशिक्षण अभियान सुरु गर्दैछन् ।
प्रशिक्षणका लागि प्रधानमन्त्री शेरबहादुर देउवा बिहीबार नै पोखरा पुगिसकेका छन् भने पुष्पकमल दाहाल ‘प्रचण्ड’ र माधव नेपाल आज पुग्दै छन् ।
शीर्ष नेताहरुले आज ११ बजेदेखि गठबन्धनका दलका कार्यकर्ताहरुलाई प्रशिक्षण दिने कार्यक्रम रहेको छ । गठबन्धनले आज नै लुम्बिनी प्रदेशको बुटवलमा पनि प्रशिक्षण कार्यक्रम राखेको छ ।
