काठमाडौं, ६ कात्तिक । गोदावरी उद्योग वाणिज्य संघले गोदावरी साइक्लोथोन २०२२ को आयोजना गर्ने भएको छ ।
साइक्लोथोनमा राष्ट्रिय तथा अन्र्तराष्ट्रिय रुपमा ख्यातिप्राप्त स्वदेशी तथा विदेशी ३ सय साइकल यात्रीहरुको साथै नेपाली सेना तथा शसस्त्र प्रहरी लगायत पोखरामा जारी नवौं राष्ट्रिय खेलकुदमा सहभागी साइकल यात्रीहरु सहितको सहभागीता हुनेछ ।
साइकल यात्रा गोदावरी नगरपालिकाको प्रशासकीय भवन बज्रबाराहीबाट सुरु भएर नगरपालिकाका १४ वटै वडाको परिक्रमा गर्नेछ । साइकल यात्राको दुरी ५० किलोमिटर हुनेछ ।
साइकल यात्रा गोदावरी नगरपालिका प्राङ्गणबाट बिहान साढे सात बजे सुरु भई विभिन्न ठाउँ हुँदै नगरपालिका प्राङ्गणमा आएर समापन हुनेछ ।
