काठमाडौं, १४ कार्तिक । नेकपा (एमाले) का सचिव पृथ्वीसुब्बा गुरुङले आफूहरुले कहिल्यैपनि झुटो कुरा नगरेको दाबी गरेका छन् । उनले आफ्नो पार्टीका अध्यक्ष केपी शर्मा ओलीले भनेझैं नेपालमा पानीजहाज, रेल सबै आउने बताएका छन् ।
हिजो राति प्राइम टिभीबाट प्रसारण भएको जनता जान्न चाहन्छन् कार्यक्रममा पत्रकार ऋषि धमलासँग कुरा गर्दै उनले यस्तो बताएका हुन् । उनले भने,‘हाम्रो अध्यक्षले त उखानपनि भन्नुभएको छ, कामपनि गर्नुभएको छ । अरु नेताले त केही पनि गर्नुभएको छैन् ।’
उनले आगामी निर्वाचनमा आफ्नो दलले १३० देखि १३५ सिट जित्ने दाबी गरे । उनले भने,‘हाम्रो लक्ष्य भनेको १५० सिट जित्ने हो । तर, हामी १३५ सिट जित्छौं। यो हाम्रो आँकलन हो । मूल्यांकन हो ।’
