काठमाडौं, कात्तिक २० । नेपाली कांग्रेसका सभापतिसमेत रहेका प्रधानमन्त्री शेरबहादुर देउवा आज गृहजिल्ला डडेल्धुरामा हुने चुनावी सभालाई सम्बोधन गरेर काठमाडौं फर्किने भएका छन् ।
गत विहिबार जिल्ला सदरमुकामबाट चुनावी प्रचारप्रसारको सुरुवात गरेका देउवा अहिले बिहान ११ बजे आलिताल गाउँपालिका गोदाममा र दिउँसो २ बजे परशुराम नगरपालिका जोगबुढामा हुने आमसभालाई देउवालाई सम्बोधन गरेर काठमाडौं फर्केन लागेका हुन् ।
देउवाले शुक्रबार र शनिबार पनि दुई–दुई स्थानमा आयोजना गरिएका चुनावी आमसभालाई सम्बोधन गरेका थिए ।
