काठमाडौं, मंसिर २ । घरेलु मैदानमा जारी एकदिवसीय सिरिज अन्तर्गत जारी तेस्रो तथा अन्तिम खेलमा नेपालले शानदार शुरुवात गरेको छ । टियु क्रिकेट मैदानमा जारी खेलमा नेपालले शुरुवाती ५ ओभरमै युएईका तीन ब्याट्सम्यानलाई पभिलियन फर्काएको छ ।
युएईले ताजा अवस्थामा ५ ओभरको समाप्तिमा ३ विकेटको क्षतिमा २५ रन जोडेको छ । हाल रोहन मुस्तफा एक र अलिसान शराफु आठ रन बनाउँदै क्रिजमा छन् । यूएईका वासिमले ११ अ रिजवानले ४ रन बनाउँदा भ्रित्या अरविन्द खाता खोल्न नसकी पभिलियन फर्किए ।
नेपालको लागि गुलसन झाले दुई विकेट लिँदा सोमपाल कामीले एक विकेट लिए ।
आज हुने खेलमा दुवै टोली जीत निकाल्दै सिरिज जित्ने लक्ष्य साथ मैदान उत्रिनेछ । आज हुने खेल जित्ने टोलीले सिरिजको उपाधि जित्नेछ । पहिलो खेलमा ८४ रनले पराजीत भएको नेपालले दोस्रो खेलमा युएईलाई ३ विकेटले हराउँदै सिरिजमा बराबरी गरेको थियो ।
डिसेम्बर १ देखि ८ सम्म हुने नामिबियामा हुने आईसीसी विश्वकप लिग-२ को त्रिकोणात्मक सिरिजको तयारीको रुपमा नेपालले युएईसँग घरेलु मैदानमा सिरिज खेलेको हो ।सिरिजमा नेपाल नामिबिया र स्कटल्याण्ड रहेका छन् ।
